Марыць па-буйному

Даю сабе абяцанне: калі марыць — дык па-буйному. Трэба сабраць нараду: як пазбавіць ад трупнага паху і начысціць да бляску харомы, каб мара ў адлюстраванні мутная, не пазнаўшы сваіх хараствоў, у шоку гучна сказала — «Якая я буйная!» Усвядоміўшы сваю веліч сярод кучкі сябровак худзючых, што гадамі толькі верылі сляпа ёй, пагарджаючы за корпус таўшчэзны. Даю сабе абяцанне: раскарміць сваё маладушша. Пратэін і гарнір з гароднінай і марожанае, самае лепшае. Абяцаю, што жыць не ўпрогаладзь будуць так схуднелыя пачуцці. Што скончыцца вечная прахалодзь. Так, марыць — гэта таксама мастацтва.