Ляцяць па небе жар-птушкі

Ляцяць па небе жар-птушкі з цалкам відавочнай мэтай. Ляцяць, каб самі сябе забіць. Адным бясконцым ланцугом. Іх крылы — нібыта абрубкі. Не зрабілі ў жыцці і ўзмаху. Ляцяць завостраныя трубкі, прадвеснікі дзікага страху. Як цвічкі, у тонкія поры ён уваходзіць з пранізлівым выццём. Як пацукам, ратуючыся па норах, даводзіцца хавацца гоям. Нейкай нябачнай сіле з нараджэння падуладны іх розум. Пад выглядам законных гвалтаў і са смагай забраць усё і адразу яна накіроўвае тыя чароды жывое сцерці з тэрыторый. Як толькі жар-птушкі стаміліся — мяняе ім ход траекторый. Штучна створанай птушцы невядомы код шуканых даных. Яна народжана стаць забойцай насякомых, што ходзяць на дзвюх. Такія памылкі прыроды цяпер нешта накшталт традыцый. На жаль, не спазнаюць свабоды жар-птушкі, што ляцяць у небе.