Калі Бог — гэта мудры бацька

Калі Бог — гэта мудры бацька, дык мы неслухмяныя дзеці. Калі Бог — гэта шлях-праваднік, то мы рыбы, што заснулі ў сеці. Калі Бог — гэта грубая сіла, тады камня на камні не будзе. Не бывае, каб сіла прасіла пачакаць, як яе ўсе асудзяць. Калі Бог — гэта ведаў мяжа, мы — яго нулявы кіламетр. Калі Бог — гэта дзетазабойца, мы не людзі, а склеены фетр, абы-як і без важкай прычыны, проста так, з непатрэбных абрэзкаў, у абліччы жанчыны ці мужчыны і з душой да мяжы брыдкай. Калі Бог — гэта проста прадавец, то мы з вамі не варты й капейкі, што, выпадкова пакінуўшы кашалёк, бескарысна ляжыць на прыступцы.